«КAZsport» телеарнасы «Ордабасы» клубымен иерусалимдік «Бейтар» арасындағы ойынды тікелей эфирде көрсетеді

«Қазақстан» РТРК» АҚ спорт жанкүйерлеріне қуаныш сыйлауды жалғастырмақ. Еуропа Лигасында доп тебетін клубтардың ойындарын тікелей эфирде көрсету үшін шетелдік әріптестермен келісімге келді. «Бейтар» (Израиль) мен «Ордабасы» (Қазақстан) клубтары арасында өтетін ойынды тікелей эфирде 9 шілдеде Астана уақыты бойынша 23:00-де «КAZsport» телеарнасы көрсетеді. Ал, ойынды тікелей эфирден көре алмаған жанкүйерлер қайталауын 10 шілдеде сағат 10:00 және 22:00-де тамашалай алады. Еске сала кетейік, «Ордабасы» және «Бейтар» арасындағы 2 шілдеде өткен алғашқы матч 0:0 есебімен аяқталған.