«Қазақстан» Ұлттық телеарнасы «Црвена Звезда» мен «Қайрат» арасындағы ойынды тікелей эфирде көрсетеді

Бүгін алматылық «Қайрат» Еуропа Лигасының бірінші квалификациялық раунды аясында сербиялық «Црвена Звезда» клубымен кездеседі. «Қазақстан» республикалық телерадиокорпорациясы футбол жанкүйерлеріне сый тарту етеді. Шетелдік әріптестермен ұзақ уақытқа созылған келіссөздердің нәтижесінде еурокубоктағы қазақстандық команданың ойыны тікелей эфирде көрсетіледі. Сербия астанасы Белградтағы «Райко Митич» стадионында өтетін кездесуді «Қазақстан» Ұлттық телеарнасы Астана уақыты бойынша сағат 00:40-та тікелей эфирде көрсетеді. Ал, 3 шілдеде «KAZsport» телеарнасы сағат 11:50 мен 19:00-де ойынның қайталауын көрсетеді.