Равшан Ирматов: Қазақстан Түркия құрамасын жеңе алады

Өзбекстандық танымал төреші Равшан Ирматов 2016 жылғы Еуропа чемпионатының іріктеу матчы алдында пікірін білдірді. «Мен алты ай бұрын Түркия және Бразилия құрамаларының арасында Стамбулда өткен жолдастық матчта қызмет атқардым. Сол ойын 4:0 есебімен бразилиялық футболшылардың пайдасына шешілген. Жақында Қазақстан мен Буркина-Фасо құрамаларының арасындағы ойынға төрелік еттім. Осы арқылы екі команданың ойынын көрдім». «Қазақстан Түркия құрамасын жеңе алады деп ойлаймын. Өйткені, қазақстандық футболшылар өз жанкүйерлерінің алдында ойнайды. Қазір Түркия құрамасы ауыр кезеңнен өтуде, сол себепті Қазақстан құрамасы оң нәтижеге қол жеткізе алады. Көршілерімізге сәттілік тілеймін, өйткені, футболда сәттілік аса маңызды рөл атқарады», - дейді Равшан Ирматов.