Футболдан 17 жасқа дейінгі Қазақстан жасөспірімдер құрамасы жолдастық кездесуде жеңіске жетті

31 мамыр күні 17 жасқа дейінгі Қазақстан жасөспірімдер құрамасы Испанияда өтіп жатқан оқу-жаттығу жиыны аясында екінші жолдастық матчын өткізді. Карлес Марторелл шәкірттері «Камбрилс» футбол академиясына қарсы ойнап, 4:0 есебімен жеңіске жетті. Гол авторлары - Марлен Айманов - дубль, Батыр Құдайбердінов және Жанәлі Пайруз бір-бір голдан салды. Қазақстан құрамасының сапында алаңға шыққан футболшылар: Гуров, Аманжол, Кусяпов, Сүйінов (К), Бортай, Орал, Жақыпбаев, Таласбаев, Құдайбердінов, Кан, Айманов. Оларды алмастырған футболшылар: Пайруз, Жақсылық, Тұрсынбай, Тұрдиев, Кәрімов, Михайлов, Ярков, Серіков, Попов. Қазақстан жасөспірімдер құрамасы келесі матчын 3 маусым күні «Эспаньол» футбол клубының жасөспірімдер командасымен өткізеді.