Еуро-2016. Қазақстан-Түркия ойынын «Қазақстан» Ұлттық телеарнасы тікелей эфирде көрсетеді

2016 жылғы футболдан Еуропа чемпионатының іріктеу турнирі аясындағы Қазақстан-Түркия кездесу 12 маусымда сағат 22:00-де Алматыда өтеді. Футболдан Қазақстан Ұлттық құрамасы 12 маусымда Еуро-2016 турнирі аясындағы іріктеу ойынын Алматы қаласында Түркия құрамасына қарсы өткізеді. Әзірге 1 ұпай жинаған Қазақстан футболшылары турнир кестесінде соңғы орында келеді. Ал, 5 ұпайы бар Түркия құрамасы 4-ші орында тұр. Айта кетейік, Қазақстан-Түркия футболшылары арасындағы ойынды «Қазақстан» Ұлттық телеарнасы 12 маусымда сағат 22:00-де тікелей эфирде көрсетеді.