Футболдан Қазақстан Кубогының жартылай финалистері анықталды

Футболдан Қазақстан Кубогының жарыталай финалында елордалық «Астана» клубы «Ақтөбе» командасымен сынға түседі. Ал, екінші финалдық жолдаманы алматылық «Қайрат» пен қостанайлық «Тобыл» сарапқа салады. Жартылай финалдың алғашқы ойындары 2 маусымда, ал қарымта матчтар 23 қыркүйекте өтеді. Айта кетейік, ширек финалында «Ақтөбе» командасы талдықорғандық «Оқжетпесті» 3:2 есебімен, ал «Астана» қызылордалық «Қайсарды» 2:1 есебімен ұтқан еді. Сонымен қатар, «Тобыл» талдықорғандық «Жетісу» клубын 2:0, ал «Қайрат» «Таразды» 4:1 есебімен жеңген.