Бүгін Еуропа Чемпиондар лигасының ширек финал бәсекесінің қарымта ойындары өтеді

Германияның «Бавария» клубымен Португалияның «Порту» және Испанияның «Барселона» командасы мен Францияның «ПСЖ» клубы ойнайды. Германияның «Бавария» клубы өз алаңында «Порту» клубын қабылдайды. Бірінші ойында «Бавария» клубы сырт алаңда 1:3 есебімен ұтылып қалған. Бірқатар футбол мамандары «Порту» клубы жартылай финалға шығады деп есептеуде. Дегенмен, футболда түрлі нәтиже болатыны белгілі. Барлық болжамдарды бүгінгі ойын анықтап береді. Ал, Испаниялық «Барселона» клубы Париждің «ПСЖ» клубын қабылдайды. Бұл ойында келесі кезеңге шығатын клуб анықталып қойғанмен, алаң иелеріне оңайға соқпайтыны анық. Өткен ойын 3:1 есебімен «Барселонаның» пайдасына аяқталған. Еске сала кетейік, ойындар Астана уақытымен 00:45-те басталады.