Елена Рыбакина әлемнің бесінші ракеткасы атанды

Қазақстандық теннисші әлемдік рейтингте бір саты жоғары көтеріліп, алтыншы орыннан бесінші орынға жайғасты.

Бұл нәтижеге ол Эр-Риядта (Сауд Арабиясы) өткен маусымның қорытынды турниріндегі жеңісінен кейін қол жеткізді.

Айта кетсек, әлемнің бірінші ракеткасы Беларусь елінің өкілі Арина Соболенко. Екінші орында Польшадан Ига Швёнтек, ал үздік үштікті АҚШ спортшысы Коко Гауфф түйіндейді.