Заңғар Нұрланұлы теннистен US Open турнирінің жартылай финалына өтіп, тарихи жетістікке қол жеткізді

Теннисші Заңғар Нұрланұлы жасөспірімдер арасында өтіп жатқан US Open турнирінің жартылай финалына шыққан алғашқы қазақстандық спортшы атанды.

Флашинг-Медоус корттарында өткен ширек финалда Заңғар 13-ші нөмірлі теннисші, ресейлік Тимофей Дерепасконы айқын басымдықпен жеңді.

Кездесу 6:2, 6:4 есебімен аяқталды.

Финалға жолдама алу үшін ол әлемдік ITF Juniors рейтингінің көшбасшысы, болгариялық Иван Иванов пен германиялық Максим Шонхауэс арасындағы матчтың жеңімпазымен кездеседі.