Қарағандылық параспортшы Ақназар Мүтәліпов Балқаш көлін жүзіп өтті

Қарағандылық параспортшы Ақназар Мүтәліпов Балқаш көлін жүзіп өтті

Ол 20 шақырымды 13 сағат ішінде тоқтаусыз жүзіп өткен.

Ақназар бұл жетістігін Гиннестің рекордтар кітабына енгізуге өтінім беруге дайындалып жатыр.

«Балқашты тоқтаусыз жүзіп өттім. Бұл – өзіме және бүкіл әлемге мүмкіндігі шектеулі адамның да шексіз межелерді бағындыра алатынын дәлелдеу еді. Менің мақсатым – тек жүзу ғана емес, адам рухының қандай қиындықты да еңсеруге қабілетті екенін көрсету», – деп жазды параспортшы өзінің әлеуметтік желідегі парақшасында.

Айта кетейік, Ақназар Мүтәліпов 2024 жылы жүзуден параспорт бойынша Қазақстан чемпионы атанған. Сол жылы ол Бурабай көлін жүзіп өткен.