Қазақстандық дзюдошылар Еуропа кубогында екі медаль жеңді

Германияның Саарбрюккен қаласында дзюдодан Еуропа кубогы аяқталды. Жарыстың соңғы күнінде аса ауыр салмақта белдескен отандасымыз Санжар Жабборов ел қоржынына қола жүлде салды.

Санжар Жаббаров (+100 кг) франциялық Адриен Ливольсиді ұтып өз тобынан үздік шыққан болатын. Жартылай финалдық белдесуде әзірбайжан балуаны Шахин Шахрамановқа есе жіберіп, қола жүлде үшін белдесуге мүмкіндік алды. Шешуші жұбаныш белдесуде қос қазақстандық Ерасыл Қажыбаев пен Санжар Жабборов кездесіп, Санжар Жабборов жеңіске жетті.

Ал, турнирдің алғашқы күнінде 66 келі салмақта сынға түскен Ғұсман Қырғызбаев алтын үшін таласта Қырғызбаев грузиялық Торник Нагиашвилиден ұтылып, күміс жүлдені қоржынға салған еді.