Қазақстандық дзюдошылар Тбилисидегі Гран-При турнирінің екінші күнінде де жүлдеге іліге алмады

Тбилисиде өтіп жатқан әлемдік Гран-При кезеңінің екінші күнінде де отандастарымыз жүлдесіз қалды.

Бүгін татамиге құрама сапынан 5 спортшы шыққан еді. Азиз Қалқаманұлы мен Қажымұқан Өтеулиев (81 кг) іріктеу кезеңінен аса алмады. Ал 73 келіде өнер көрсеткен Азамат Мұқанов ширек финалда ирандық Мохаммад Мохомадиге есе жіберді. Әйелдер арасында 70 келі салмақ дәрежесінде бақ сынаған Динара Құдарова мен Ажар Салықова да сәтсіз өнер көрсетіп, жарыс жолын аяқтады.

Естеріңізге сала кетейік, ертең Тбилиси төрінде 8 отандасымыз бақ сынайтын болады.