«Галатасарай» - «Атлетико» матчына Маттео Трефолони бақылаушы болып тағайындалды

15 қыркүйекте Стамбұлда Чемпиондар Лигасының топтық кезеңіндегі алғашқы турында түркиялық «Галатасарай» мен испаниялық «Атлетико» (Мадрид) матчы өтеді. Бұл ойынға УЕФА тарапынан Қазақстан футбол федерациясының Төрелік ету және қадағалау департаментінің директоры Маттео Трефолони бақылаушы қызметіне тағайындалды, деп жазады ҚФФ сайты. Айта кетейік, «Галатасарай», «Атлетико», «Астана» және «Бенфика» клубтары бір топта ойнайды. «Бенфика» және «Астана» арасындағы матч 15 қыркүйекте Португалияда өтеді.