«Қазақстан» телеарнасы футболдан Ұлттық құраманың Чехия мен Исландияға қарсы ойындарын тікелей эфирде көрсетеді

2015 жылдың 3 және 6 қыркүйек күндері футболдан Қазақстан Ұлттық құрамасы Еуро-2016 іріктеу кезеңі аясында сырт алаңда Чехия және Исландиямен ойын өткізеді. Екі матчты «Қазақстан» Ұлттық телеарнасы тікелей эфирде көрсетеді. Яғни, көрермендер Чехия-Қазақстан ойынын 3 қыркүйекте (3-нен 4-не қараған түн) Астана уақытымен сағат 00:30-да тікелей эфирде тамашалай алады. Ал, Исландия-Қазақстан матчы 6 қыркүйекте (6-нан 7-не қараған түн) Астана уақытымен сағат 00:30-да тікелей эфирде көрсетіледі.