Қазақстан Ұлттық құрамасының аға жаттықтырушысы болып Нүркен Мазбаев тағайындалды

Қазақстан Ұлттық құрамасының аға жаттықтырушысы қызметіне Қазақстан чемпионатының ең үздік сұрмергендерінің бірі Нүркен Мазбаев тағайындалды, деп хабарлайды ҚФФ. Нүркен Қалдыбекұлы Қазақстанның жоғары дивизионында 362 матч өткізіп, 138 гол соққан. Кейін Бірінші лиганың ОСШИОСД (Тараз), «Лашын» (Қаратау) клубтарында бас бапкер қызметін атқарды. Сонымен қатар, «Тараз» футбол клубының бас бапкерінің көмекшісі болды. Соңғы уақытта Жамбыл облыстық футбол федерациясының вице-президенті болды. Нүркен Мазбаев енді Юрий Красножан жетекшілік ететін бапкерлік штабтың құрамына кірді.