«Астана» - «АПОЭЛ» кездесуіне Венгриялық төреші төрелік етеді

Чемпиондар Лигасының плей-офф кезеңінің бірінші ойыны 18 тамызда «Астана Арена» стадионында өтеді. Ойынды 39 жастағы мажарстандық төреші Виктор Кашшаи басқарады. Оған қапталдардан Гьорги Ринг пен Венцель Тот көмектеседі. Кашшаи 1999 жылдан бері Венгрия чемпионатында төрелік етеді. 2009 жылы Нигерияда өткен 17 жасқа дейінгі жасөспірімдер чемпионатында төрелік еткен. Сонымен қатар, 2008 жылы Пекинде өткен Жазғы Олимпиада ойындарының финалдық ойынын басқарған. 2010 жылы ОАР-дағы футболдан Әлем чемпионатына қатысқан. 2011 жылы ЧЛ финалында «Барселона» мен «Манчестер Юнайтед» арасындағы ойынға төрелік еткен.