Еуропа Лигасы. «Қайрат» - «Алашкерт» арасындағы матчты португалиялық төрешілер басқарады

Еуропа Лигасының екінші іріктеу кезеңінде ойнап жатқан қазақстандық «Қайрат» клубымен армениялық «Алашкерт» арасындағы қарымта кездесуді португалиялық төрешілер басқарады. 23 шілдеде Армения астанасы Ереван қаласында өтетін кездесуге португалиялық Жоау Капелом төрелік етеді. Оған екі қапталдан отандастары Нуну Перейра мен Руй Мигель Мартинс Ресенде Тейшейра көмектеседі. Төртінші төреші – Тьягу Мартинш. Матч Ереван қаласындағы «Вазгена Саргсяна» стадионында Астана уақытымен сағат 21:00-де басталады. Еске сала кетейік, алғашқы ойында «Кайрат» клубы өз алаңында «Алашкерт» командасын 3:0 есебімен ұтқан. Кездесуді «KAZsport» телеарнасы тікелей эфирде көрсетеді.