«Астана» футбол клубы сырт алаңда «Марибор» командасынан жеңіліп қалды

Кеше Елордалық «Астана» клубы Чемпиондар Лигасының екінші іріктеу кезеңінде словениялық «Марибор» клубымен ойнап, ұтылып қалды. Словенияда өткен алғашқы ойында «Астана» клубы «Марибордан» 0:1 есебімен жеңіліп қалды. Алаң иелеріне жеңіс сыйлаған жалғыз голдың авторы – Марко Шулер. «Астана» клубының футболшылары ойын барысында қанша шабуылдағанымен қарсыластарының қақпасына гол сала алмады. Еске сала кетейік, қарымта кездесу 22 шілдеде Елордадағы «Астана Арена» стадионында өтеді.