Еуропа Лигасы. «Қайрат» 2-ші кезеңде армениялық «Алашкерт» клубымен ойнайды

Еуропа Лигасының бірінші іріктеу кезеңінде алматылық «Қайрат» футбол клубы «Цервена Звезда» клубын екі ойында да ұтып, жарыстың келесі кезеңіне өтті. 2 шілдеде Сербияда өткен алғашқы ойында «Қайрат» клубы сырт алаңда жергілікті команданы 2:0 есебімен ұтқан. Ал, Қазақстанда өткен жауап ойында қазақстандық клуб 2:1 есебімен жеңіске жетті. Қос ойын нәтижесі бойынша «Қайрат» командасы «Цервена Звезда» клубын 4:1 есебімен жеңді. «Қайраттың» келесі кезеңдегі қарсыласы армениялық «Алашкерт» клубы. Ал, Қазақстан атынан сынға түскен «Ордабасы» мен «Ақтөбе» Еуропа Лигасының 2-ші кезеңіне өте алмады.