«QAZSPORT» телеарнасы ІІІ Параазия ойындарын көрсетеді.

«QAZSPORT» телеарнасы 6-13 қазан аралығында Джакартада (Индонезия) өтетін ІІІ Параазия ойындарын тікелей эфирде көрсетеді.

Дүбірлі додаға 43 мемлекеттен үш жарым мыңнан астам спортшы қатысады деп  жоспарлануда. Үздіктер параспорттың 18 түрінен анықталатын болады.

Қазақстан құрамасы 9 спорт түрінен (жүзу, пауэрлифтинг, жеңіл атлетика, дзюдо, садақ ату, оқ ату, отырып ойнайтын волейбол, үстел теннисі, шахмат) бақ сынайды.  

Еліміздің намысын 2016 жылғы Паралимпиада чемпионы Зульфия Габидуллина, әлем чемпионы Наталья Звягинцева және 2014 жылғы Параазиаданың жеңімпаздары мен жүлдегерлері қорғайтын болады. Джакартада Қазақстан құрамасының сапында барлығы 91 спортшы өнер көрсетеді.