Көшпенділер ойныдары. Қазақстандық спортшылар армрестлингтен жеті алтын медаль жеңді

Қырғызстанның Шолпон-Ата қаласында өтіп жатқан ІІІ Дүниежүзілік көшпенділер ойынында армрестлинг бойынша жарыстар толықтай аяқталды. Қазақстан құрамасы айтулы додада қарсылас шақ келтірмей, жалпы есепте бірінші орыннан көрінді.

Қазақстандық команда 7 алтын, 5 күміс (сол қолмен 4 алтын, 2 күміс, оң қолмен 3 алтын, 3 күміс) еншіледі.

Жеңімпаздар қатарында әйелдер арасында Оксана Писменная және Антонина Лисянская оң және сол қол бағдарламасы бойынша жеңімпаз атанса, ерлер арасында Дмитрий Трибун қос алтынды қанжығасына байлады. Сонымен қатар,  Олег Сазанов бір алтын, бір күміске ие болса, Вали Фараджов пен  Андрей Степанчук күміс (оң және сол бойыншада) еншіледі.