Бақұл бол, алтын айдарлы аймаңдай ұл! Мәңгілік жүрегіміздесің...

Денис Тен Қазақстанның спорт тарихында мәнерлеп сырғанаудан Олимпиада медалін ең алғаш иеленген спортшы ретінде қалды. 2014 жылы Сочи Олимпиадасында Ұлттық құраманың қоржынына түскен жалғыз медальдің иесі осы талантты жас болатын. Оның алған қола медалі «бос қайтамыз ба?» деп алаңдап отырған Ұлттық құрама мүшелерінің ғана емес, тұтас ұлттың абыройын асқақтатты.

Жас спортшының мәнерлеп сырғанау бойынша жасындай жарқырайтын кезі әлі алда еді. Қазақстаның ғана ұлы емес, әлемнің жарқырап келе жатқан жарық жұлдызы еді. Өкінішке қарай, тым ерте үзілді...