Футзалдан Қазақстан құрамасы даниялықтарды ойсырата ұтты

Футзалдан 2018 жылғы Еуропа чемпионатына іріктеу кезеңі аясында Қазақстан құрамасы даниялықтардан 5:0 есебімен басым түсті.

Кездесуде Серік Жаманқұлов, Лео, Михаил Першин, Дуглас пен Дінмұхамед Сүлейменов бір-бір голмен көзге түсті. 

Топтағы шешуші ойында отандастарымыз Чехия құрамасымен кездеседі. Қос құрамада да 6 ұпайдан бар. 

Топта бірінші орын алған команда 2018 жылғы Еуропа чемпионатына тікелей жолдама алады. Ал, екінші орын алған ұжым қосымша жолдамаға талас жүргізеді.