Азиада-2017: Елена Коломина үшінші жүлдесіне қол жеткізді

Бүгін Жапонияның Саппоро қаласында өтіп жатқан VІІІ қысқы Азия ойындарында шаңғышы Елена Коломина үшінші жүлдесіне қол жеткізді, деп хабарлайды Саппородағы ҚазАқпарат тілшісі.

Ол бүгін  5 шақырымдық классикалық жарыстан мәре сызығын екінші болып кесіп, Қазақстан қоржынына үшінші күмісті сыйлады. Айта кетейік, бұл - Коломинаның Саппородағы жеңіп алған үшінші жүлдесі. Спортшымыз осыған дейін, шаңғы жарысынан классикалық жүріспен жеке спринт (1,4 шақырым) жарысында тағы да күміс медаль жеңіп алса, одан кейін, 10 шақырымдық еркін жүгірістен қола медальді иеленді. 

Фото авторы: Ізтұрған Алдауев