Қазақстандық дзюдошылар Еуропа кубогын бір алтын медальмен аяқтады

Польшаның Варшава қаласында дзюдодан ересектер арасында Еуропа кубогы өтті.

Отандастарымыз бұл жарыста бір алтын, бір күміс және үш қола медаль жеңіп алды. 60 келіге дейінгі салмақта қос қазақстандық балуан Сұңғат Нұрлатұлы мен Тоқтар Умуталиев финалда кездесті. Нәтижесінде Тоқтар Умуталиев жарыс жеңімпазы атанды.

Ал Асылхан Зинуллин (60 келіге дейін), Камила Берліқаш (78 келіден жоғары) Айбол Нысанәлі (90 келіге дейін) жарысты қола жүлдемен аяқтады.

Осылайша Қазақстан құрамасы жалпы командалық есепте бесінші орынға ие болды.