Софья Берульцева Италиядағы Премьер-лига додасында чемпион атанды

Италия астанасы Римде WKF каратеден 2026 жылдың екінші Премьер-лига санатындағы бәсекесі аяқталды.

Ұлттық құрама көшбасшысы, Токио Олимпиадасының қола жүлдегері Софья Берульцева (+68 кг) финалда Рошель Уолтерсті (Англия) 2-1 есебімен ұтты. Осылайша, ол қатарынан екінші Премьер-лига бәсекесінде жеңімпаз атанды. Софья өткен айда Ыстанбұлда қаласындағы турнирде алтыннан алқа таққан.

Ал кумите бағдарламасында -61 кг өнер көрсеткен Әсел Қанай күміс жүлдегер атанды.

Сондай-ақ Премьер-лига санатындағы турнирге алғаш рет қатысқан 18 жастағы Мирас Әбдіқадыр (-60 кг) өз салмағында үздік үштікті түйіндеді.

Қазақстан командасы беделді жарыста 1 алтын, 1 күміс, 1 қола жүлдеге қол жеткізіп, жалпыкомандалық есепте 3-орын алды.