Ербол Хамитов Паралимпиада ойындарының чемпионы атанды

Қазақстандық пара биатлоншы Италияда өтіп жатқан Паралимпиада ойындарында із қуу сайысында топ жарып, алтын жүлдеге ие болды.
Милан Паралимпиадасында пара биатлон бағдарламасына алғаш рет қосылған 4,5 шақырымдық спринттен із қуу жарысында Ербол Хамитов қарсыластарынан озып, мәреге бірінші болып жетті.

Қазақстан үшін бұл қысқы Паралимпиада ойындарындағы екінші алтын медаль саналады. Бұған дейін алғашқы алтынды 2018 жылы Пхенчхан Паралимпиадасында пара шаңғы жарысынан Александр Колядин жеңіп алған.
Еске салсақ, Ербол Хамитов бұған дейін пара шаңғы жарысынан қола жүлдеге ие болған еді.