Қазақстандық боксшылар Странджа кубогында төрт алтын медаль жеңіп алды

Бокстан Болгария астанасы Софияда «Странджа кубогы» өтіп жатыр.

Қазақстан құрамасы бұл турнирде төрт алтын медаль иеленді.

Даниял Сәбит (50 кг), Элина Базарова (54 кг), Надежда Рябец (80 кг), Валерия Аксенова (80 кг+) алтын медаль жеңіп алды.

Фарух Тоқтасынов (70 кг) және Лаура Есенкелді (65 кг) күміс медальға ие болды.

Ал Әнел Сақыш (54 кг), Валентина Хальзова (75 кг), Дина Исламбекова (80 кг+) қола жүлдемен жарысты аяқтады.