Жәмилә Бақбергенова Албаниядағы халықаралық турнирде чемпион атанды

Албания астанасы Тиранада Мұхамет Малоны еске алуға арналған күрес түрлерінен өтіп жатқан халықаралық турнирде қазақстандық балуан Жәмилә Бақбергенова (-72 кг) бірінші орын алды.

Жартылай финалда тәжірибелі спортшы үндістандық Дикша Маликті 10:0 есебімен айқын басымдықпен жеңіп, финалға жолдама алды. Ал шешуші белдесуде қырғызстандық Нұрзат Нұртаевамен кездесіп, қарсыласын бірінші кезеңнің алғашқы жартысында 14:3 есебімен мерзімінен бұрын ұтты.