Астана қаласында теннистен Қазақстанның жазғы чемпионаты өтеді

21-26 шілде аралығында Астана қаласындағы Beeline Arena теннис орталығында ересектер арасындағы Қазақстанның жазғы чемпионаты өтеді.

Қазақстан теннис федерациясының хабарлауынша, алты күнге созылатын бұл жарысқа тәжірибелі спортшылармен қатар жас теннисшілер де қатысады.

Чемпионатқа Қазақстан ұлттық құрамасының мүшесі Жібек Құламбаева (WTA рейтингі – 300), соңғы уақытта жақсы нәтижелерімен көзге түсіп жүрген Сандуғаш Кенжебаева (WTA – 975) және Аружан Сағындықова (WTA – 1050) қатысады.