Дастан Сатпаев – әлемдегі ең қымбат жас футболшылардың қатарында

«Қайрат» клубы мен Қазақстан жасөспірімдер құрамасының шабуылшысы Дастан Сатпаев Transfermarkt нұсқасы бойынша 17 жасқа дейінгі әлемдегі ең қымбат футболшылар рейтингіне енді.

16 жастағы футболшының нарықтық құны 1,8 миллион еуроға жетіп, ол ТМД елдері арасындағы ең қымбат ойыншы атанды және әлем бойынша 27-орынға жайғасты.

Сатпаев биылғы маусымда 19 ойын өткізіп, 9 гол соқты және 4 нәтижелі пас берді. Ол КПЛ-дің үздік сұрмергендері қатарына енді.

Дастан Сатпаев 18 жасқа толған соң ағылшындық «Челси» клубының қатарына қосылады.