Астана алғаш рет баскетболдан әлем чемпионатын өткізеді

Астана алғаш рет интеллектуалдық мүмкіндігі шектеулі спортшылар арасындағы баскетболдан әлем чемпионатын өткізеді.

Ауқымды спорттық шара 12–21 маусым аралығында өтеді. Чемпионатқа 11 елден интеллектуалдық мүмкіндігі шектеулі 180 спортшы қатысады.

Олардың қатарында Қазақстан, Израиль, Польша, Австралия, Италия, Испания, Жапония, АҚШ, Франция, Венесуэла және Португалия командалары бар.

12–15 маусым аралығында Астанадағы Триатлон саябағында іріктеу кезеңдері өтсе, 17–21 маусым күндері финалдық ойындар Жақсылық Үшкемпіров атындағы жекпе-жек сарайында ұйымдастырылады.