Ресми: Асхат Тағыберген ұлттық құрамадағы мансабын аяқтады

Қазақстан құрамасының капитаны Асхат Тағыберген ұлттық құраманың сапында соңғы матчын өткізді.

Асхат құрамамен бірге 63 ойынға қатысып, 3 гол соқты.

«Бұл менің Ұлттық құрамадағы соңғы ойыным. Мен өзім осылай шештім. Алғашқы рет ойыныма 2014 жылы шықтым. Осы 11 жылдың ішінде қолдау көрсеткен барлық жанкүйерлерге алғыс айтамын! Ұлттық құраманың бір бөлігі және капитаны болғаныма өте қуаныштымын. Кейбір хейтерлер бүгін қуанып жатқан шығар — «жастарға орын беріңдер» деп айтады. Әрине, мен де жастарға сенемін және олар құраманы әлем чемпионатына алып шығады деп үміттенемін!» — деді Тағыберген Солтүстік Македониямен өткен ойыннан кейін.