Джеки Чан ресми түрде каратеден қара белбеу иегері атанды

Танымал актер әрі Голливуд жұлдызы Джеки Чан карате бойынша ресми түрде қара белбеуге ие болды. Бұл туралы ақпарат Дүниежүзілік карате федерациясының (WKF) ресми сайтында жарияланды. Қара белбеуді табыстау рәсімі Нью-Йоркте өткен «Karate Kid: Legends» жаңа фильмінің премьерасымен қатар өтті.

Салтанатты рәсім барысында Джеки Чанмен бірге оның әріптесі Ральф Маккьо де марапатталды. WKF бас хатшысы Тошихиса Нагура қос актерді жеке құттықтап, олардың каратеге қосқан үлесін атап өтті.

Іс-шараға сондай-ақ Олимпиада қатысушысы, АҚШ чемпионы Томас Скотт та қатысты. Бұл марапаттау WKF пен «Karate Kid: Legends» франшизасының авторлары арасындағы ынтымақтастық аясында ұйымдастырылды.