Азия Кубогында Қазақстан әйелдер құрамасы нысана көздеуден топ жарды

Азия Кубогында Қазақстан әйелдер құрамасы нысана көздеуден топ жарды

Таиланд елінің астанасы Бангкокте өтіп жатқан нысана көздеуден Азия Кубогында Қазақстан әйелдер құрамасы кезекті алтын медальді жеңіп алды.

Винтовкамен 50 метрден жатып нысана көздеуде Париж Олимпиадасының қола жүлдегері Александра Ле, сондай-ақ Арина Алтухова мен Елизавета Безрукова 1849.8 ұпай жинады. Күміс жүлдені Жапония еншіледі. Үшінші орынды Оңтүстік Корея құрамасы иеленді.

Аталған жаттығудың жекелей сынында Арина Алтухова 618.2 ұпаймен 4-орыннан көрінсе, Елизавета Безрукова 5-сатыға тұрақтады. Ал Александра Ле алғашқы ондыққа ілігіп, 10-орынға табан тіреді.

Ертең әйелдер 3 позицияда нысана көздеуден жүлдеге таласады.