Түркістанда Бекзат Саттархановты еске алуға арналған ашық турнир басталды

Түркістанда Бекзат Саттархановты еске алуға арналған ашық турнир басталды

Түркістанда бокстан Сидней Олимпиадасының чемпионы Бекзат Саттархановтың туғанына 45 жыл толуына орай жасөспірімдер арасындағы республикалық ашық турнир басталды.

Дүбірлі додаға Өзбекстан мен Қырғызстаннан және еліміздің барлық аймағынан 200-ден аса спортшы қатысып, бақ сынайды.

Жарыстың ашылу салтанатына қатысқан даңқты боксшының анасы Сырлыгүл Шойбекова батыр ұлы туралы естелік айтып, жарысқа қатысушыларға сәттілік тіледі.

Әлемдік бәсекеде ел намысын қорғаған батыр ұлының аты ел жадында мәңгі сақталатынына сенім білдірді.