Қазақстандық шахматшылар Әлем чемпионатында топ жарды

Қазақстандық шахматшылар Әлем чемпионатында топ жарды

Италияның Монтесильвано қаласында шахматтан кадеттер арасында әлем чемпионаты мәресіне жетті.

Аланна Берікқызы мен Марк Смирнов жеңіс тұғырынан көрінді. Атап айтар болсақ, 10 жасқа дейінгі жас санатында Аланна Берікқызы әлем чемпионы атанды.

Ұлдар арасында (U12) Марк Смирнов ең көп ұпай жинап, бас жүлдеге қол жеткізді.

Тағы бір отандасымыз Ханзада Аманжол 12 жасқа дейінгі санатта қосымша көрсеткіш бойынша әлем чемпионатында екінші орынды иеленді.

Әлем чемпионатына 77 елден ойыншылар қатысты.

Жалпы командалық есепте Қазақстан командасы 1-орын алды. Қытай шахматшылары 2-ші сатыға тұрақтаса, үздік үштікті Үндістан түйіндеді.