«Qazsport» телеарнасы XVIІ Жазғы Паралимпиада ойындарын тікелей эфирде көрсетеді

28 тамыз бен 8 қыркүйек аралығында Парижде өтетін XVIІ Жазғы Паралимпиада ойындарын қазақстандықтар «Qazsport» телеарнасынан тікелей эфирде көре алады.

Паралимпиада ойындарының ашылу салтанатын 28 тамыз күні 23.00-де «Qazaqstan» және «Qazsport» телеарналары тікелей эфирде ұсынады. Паралимпиада ойындары өтетін мерзімде «Qazsport» телеарнасының тілшісі Азат Смағұлов пен оператор Абзал Чадетов Парижден ақпарат таратады. Эфирде Олимпиада ойындарын жүргізген комментаторлар тобы жұмыс істейді.

Қазақстан құрамасы жазғы Паралимпиада ойындарына осымен 8-ші рет қатысады. XVIІ Жазғы Паралимпиада ойындарына қатысу үшін ұлттық құрама спортшылары 33 лицензия иеленді.