Әмір Зәкіров брейкингтен Париж Олимпиадасына қатысады

Әмір Зәкіров брейкингтен Олимпиада ойындарында Қазақстан намысын қорғайтын тұңғыш спортшы атанды. 

Брейкингтен Будапеште өткен іріктеу турнирінің қорытындысында Әмір Париждегі Олимпиада ойындарына жолдама жеңіп алды. Ол финалға дейін жетіп, шешуші сында Нидерланд спортшысынан жеңілді. Осылайша, ол турнирде екінші орын алды әрі олимпиадалық квотаға иелік етті. 

Брейкинг Олимпиада ойындары бағдарламасына алғаш рет еніп отыр. Сондықтан Әмірдің лицензиясы тарихи жолдама болып саналады.