Қазыбек Нөгербек шахматтан әлем чемпионы атанды

Қазыбек Нөгербек бүгін Үндістанның Гандинагар қаласында аяқталған 20 жасқа дейінгі шахматшылар арасындағы әлем чемпионатында алтыннан алқа тақты.

Спортшымыз соңғы турда өзінің басты қарсыласы - армениялық гроссмейстер Мамикон Гарибянды жеңіп, 20 жасқа дейінгі жастар арасында әлем чемпионы атанды. Отандасымыз  классикалық шахматтан 11 турдан кейін 8,5 ұпай жинады. Қазыбек Нөгербек тек әлем чемпионы атанып қоймай, әлем Кубогына жолдама алды. Ал ол әлем чемпионы атағына үміткерлер турниріне іріктеудің бір бөлігі болып саналады. Қазақстандық спортшылар арасынан мұндай жетістікке тек Дәрмен Сәдуақасов, Динара Сәдуақасова мен Жансая Әбдімәлік қана қол жеткізгенін айта кету керек.