Ержет Жарлықасын - Азия чемпионы

Ұлттық құрама палуаны Ержет Жарлықасын Қырғызстан астанасы Бішкекте өтіп жатқан күрестен Азия чемпионатында алтыннан алқа тақты, Ержет финалда (63 кг) XIX жазғы Азия ойындарының күміс жүлдегері Айата Сузукиді ұтты. Белдесу 6-6 есебімен аяқталған. Ұпай сапасы жағынан қазақ атлеті басым болды.

Күндізгі сессияда Жарлықасын жартылай финалда Солтүстік Корея палуаны Чан Кимнің осал тұсын тапқан. Есеп: 5-3. Ширек финалда Сауд Арабия спортшысы Хавсавидің жауырынын жерге тигізген. Оның алдында қазақ атлеті алғашқы белдесуінде Оңтүстік Корея өкілін 6:4 есебімен тізе бүктірген.

Бұл Ержеттің (23 жаста) ересектер арасындағы алғашқы жарысы әлі алғашқы халықаралық жарыстағы жүлдесі.