Мейіржан Шермахнбет - Азия ойындарының күміс жүлдегері

Қазақстан құрамасының мүшесі Мейіржан Шермаханбет грек-рим күресінен Ханчжоу қаласында өтіп жатқан ХІХ Жазғы Азия ойындарының күміс жүлдегері атанды. 

Финалда Мейіржан жапон балуаны Эндо Катсуакиден 1:2 есебімен жеңіліп, Азиаданың күміс жүлдесін қанжығасына байлады. 

Грек-рим күресінің алғашқы жарыс күнінде сынға түскен төрт қазақстандық балуанның арасынан Азат Садықов қарсыласының жарақат алып қалуына байланысты қола жүлдеге ие болса, Айдос Сұлтанғали және Мақсат Сайлау қарсыластарына жеңіліп, жарысты бесінші орынмен аяқтады.