Нұрлыхан Шархан – Азия ойындарының қола жүлдегері

Дзюдошы Нұрлыхан Шархан 100 келіге дейінгі салмақ дәрежесінде Азиаданың қола медалін жеңіп алды.

Медаль үшін шайқаста Шархан Оңтүстік Кореядан келген қарсыласы Джон Хун Вонмен кездесті. Қазақстандық дзюдошы иппон әдісімен жеңіске жетті.

Бұл Азия ойындарында Қазақстаннан келген дзюдошылар үшін бесінші медаль. Отандық татами шеберлерінің қоржынында бір күміс және төрт қола жүлде бар.

Сонымен қатар, қола жүлде үшін белдескен Аруна Жангельдина (-78 келі), Камила Берліқаш (+78 келі), және Ғалымжан Қырықбай (+100 келі) қарсыластарына жеңіліп, жарысты бесінші орынмен аяқтады.