Шыңғыс Есенаманов жаңа клубқа ауысты

Футзалдан Қазақстан ұлттық құрамасының ойыншысы Шыңғыс Есенаманов «Семей» клубымен келісім-шартқа отырды.

Ол 2015 жылдан бері «Қайрат» клубында өнер көрсетіп, сегіз дүркін ел чемпионы атанған. Оған дейін Қарағандының «Тұлпар» клубында доп тепкен.

«Ресми: Шыңғыс Есенаманов - «Семей» футзал клубының ойыншысы. «Семей» футзал клубы Қазақстан ұлттық құрамасының ойыншысымен келісім-шартқа отырды. 34 жастағы шабуылшы біздің ұжымға дейін алматылық «Қайрат» клубында өнер көрсеткен» - деп, «Семей» футзал клубы instagram парақшасында хабарлады.

Өткен маусымда Шыңғыс Есенаманов ел чемпионатында 31 ойын өткізіп, 19 гол соққан.