Эльмира Сыздықова Азия Чемпионы атанды

76 келі салмақ дәрежесінің финалында белдескен Эльмира Сыздықова қырғыз балуаны Айпері Медетқызымен өткен тартысты кездесу Эльмираның пайдасына 5:0 есебімен аяқталып, (таза жеңіс) отандасымыз сары құрлық біріншілігінде екінші мәрте топ жарды.

Сонымен бірге, 68 келіде сынға түскен Елена Шалыгина Азия Чемпионатының қола жүлдегері атанды. Еленаның қарсыласы Мейірім Жұманазарова жарақат алып қалып, дәрігерлер белдесуді жалғастыруына рұқсат бермеді. Сондай-ақ, Марина Седнева (55 келі) вьетнамдық Нгуен Ти Трэнгті таза жеңіп, құрлық додасында үшінші орын алды.

Ертең жарыстың төртінші күнінде әйелдер күресінде бес салмақ дәрежесі бойынша мықтылар анықталады.