Нариман Құрбанов және Милад Карими Әлем Кубогы кезеңінің жеңімпазы атанды

Әзербайжан астанасы Баку қаласында спорттық гимнастикадан Әлем Кубогының кезеңі өтті. Жарыстың алғашқы күнінде Милад Карими еркін жаатығуда 14.200 ұпай жинап, жарыс жеңімпазы атанды. Бұл бәсекеде күміс жүлдені Илья Ковтун (Украина) еншілесе, қола жүлдені Райли Луус (АҚШ) жеңіп алды.

Екінші жарыс күнінде өнер көрсеткен Нариман Құрбанов ат үстіндегі жаттығуда 15.300 жинады. Нариман осыған дейінгі Әлем Кубогының кезеңінде алтын (Доха) және қола жүлдегер (Коттбус, Германия) атанған.

Бакуде өткен жарыстың алтын жүлдесін Нариман, күміс жүлде - Рис МакЛенаган (Ирландия), қола жүлде - Матвей Петров (Албания) еншіледі.