Баку қаласындағы қос алтын

Қазақстандық гимнасттар Баку (Әзербайжан) қаласында өткен Әлем Кубогының кезеңінде екі алтын жүлде жеңіп алды

Жекелей сында отандасымыз Данил Мусабаевқа тең келер ешкім болмады. Қарағандылық спортшы 59.240 ұпай жинап жеңімпаз атанды.

Сонымен қатар, жұптық сайыста Данил командаласы Пирмаммад Алиевпен бірге топ жарды.

Осылайша, Қазақстан құрамасы Әлем Кубогы кезеңінде 2 алтын жүлде иеленді.