Елена Рыбакина Аустралия ашық чемпионатының финалында жеңілді

Теннистен әлемнің 25-ші ракеткасы Елена Рыбакина WTA рейтингінде 5-орында тұрған Арина Соболенкодан жеңіліп қалды.

Беларусь спортшысы Мельбурн қаласындағы жарыста жеңіске жетіп, алғаш рет Үлкен Дулыға санатындағы турнирде топ жарды. Есеп: 6:4, 3:6, 4:6.

«Род Лейвер Аренада» өткен матч 2 сағат, 29 минутқа созылды. Финалға дейін қарсыласына бірде-бір сетте жеңілмеген Арина алғашқы сетте жеңілгенімен, екінші, үшінші сет барысында ұтып, ойын тағдырын өз пайдасына шешті. Елена болса, финалға дейін АҚШ өкілі Дэниель Колинсті үш сетте жеңген.

Осы турнирден соң Елена спорттық мансабында алғаш рет WTA рейтингінде үздік ондыққа кіреді. Ал Арина Соболенко болса, әлемнің екінші ракеткасы болады.