Әлемнің тоғызыншы ракеткасы Андрей Рублев Қазақстан жайлы өз ойын білдірді

Ресейден келген әлемнің тоғызыншы ракеткасы Андрей Рублев Астанадағы АТР 500 турнирін сәтті бастады. Жарқын жеңістен кейін теннисші Қазақстан жайлы өз ойын білдірді.

"Қазақстанда маған қатты ұнайды. Рас, мен өзімді үйімде жүргендей сезінемін. Мұнда уақытты керемет өткізіп жатырмын. Менің ойымша, Қазақстанның ерекшелігі – бұл жақта әрқашан теннисті жақсы көреді және оны дамыту үшін көп жағдай жасайды. АТР 500 турнирі соның дәлелі. Сондықтан, өте керемет деп нық сеніммен айта аламын. Көп балалар тенниспен айналысқысы келеді. Бұл шынында көңіл қуантады. Теннистің дамуы әрі қарай да жақсара береді деп үміттенемін", - деді Рублев.