Қазақстанда кәсіби футзал лигасы құрылды

Бұл шешімді Қазақстан футбол федерациясының футзалды дамыту бойынша жиынында Қазақстан чемпионатына қатысатын барлық клубтар бірауыздан қолдады.

Жаңадан құрылған лига президенті болып Асқар Әбілдаев сайланды. Осыған дейін ол федерацияның футзал департаментінде басшы қызметінде болған.

 Ұйымның негізгі қызметі футзалдан ішкі жарыстарды ұйымдастыру, соның ішінде: футзалдан ҚР Чемпионаты, Кубогы мен Суперкубогы, және жас ерекшеліктері бойынша ел біріншіліктерін (U-13, U-15, U-17) құру.

 Күн тәртібіне футзалдан Қазақстан Бірінші лигасын құру және жаңа маусымнан бастап футзал командаларын сертификациядан өткізу мәселелері қаралды.